وەزارەتا خواندنا بلند و ڤەکۆلینێن زانستی یا هەرێما کوردستانێ ئامارا دەرچوویێن (سێ ئێکەم) و (پشکێن نۆژداری) و (خودان باوەرنامێن بلند) بۆ ڕەشنڤیسا بودجا تخمینکری یا ساڵا (٢٠٢٦) ئامادە دکەت.
د گشتاندنەکا وەزارەتا خواندنا بلند و ڤەکۆلینێن زانستی دا، کۆ ڕۆژا ئێکشەمبێ ئاراستەی ھەمی زانکۆ و دامودەزگەھێن خواندنا بلند ل ھەرێما کوردستانێ کریە و تێدا وەزارەتێ زانکۆ ڕاسپاردینە، کۆ ئەو د دەمێ ھەیڤەکێ دا ئامارا گشتییا دەرچوویێن (سێ ئێکەم) و (نوژداریا گشتی یا ساخلەمی و نوژداری) و ھەلگرێن باوەرنامەیێن بلند، ئەوێن ھەتا نوکە نەھاتینە دامەزراندن، یێن سالێن (٢٠١٧-٢٠١٨) ھەتا (٢٠٢٤-٢٠٢٥) بۆ بهێنە ڤڕێکرن، داکو د پێدڤییا میلاکان و ڕەشنڤیسا بودجا تەخمینکری یا ساڵا (٢٠٢٦) دا جھێ وان بھێتە کرن.
بۆ ئەڤێ مەرەمێ زانکۆیا زاخۆ ئاگەهداریا (سێ ئێکەم، دەرچوویێن کۆلیژا پزیشکی، خودان باوەرنامەیێن بلند) یێن زانکۆیا خۆ دکەت، کۆ پێدڤیە ئەو سەرەدانا زانکۆیێ بکەن، بۆ وەرگرتنا پێزانینێن وان.
بۆ زانین: سێ ئێکەم و دەرچوویێن پزیشکی (بەکالۆریۆس) دێ سەرەدانا تومارا گشتییا زانکۆیێ کەن و خودان باوەرنامەیێن بلند دێ سەرەدانا بەشێ خواندنا بلند کەن.
ڕۆژ و ڕێـککــەفتێن سەرەدانا زانکۆیێ:
هەر ژ ڕۆژا پێنجشەمبی ڕێـککــەفتی (٢٠٢٥/١٠/٢) هەتا ڕۆژا دووشەمبی ڕێـککــەفتی (٢٠٢٥/١٠/٦).
پێدڤیاتیێن داخازکری:
١- کارتا زانیاری.
٢- کارتا نشتیمانی.
٣- کۆپیەکا باوەرنامێ.
تێبینی: پێدڤیە ل گورەیی باوەرنامەیێن هەین، کۆپیا باوەرنامەیێن خۆ بینن، بۆ نموونە بەکالۆریۆس باوەرنامەیا بەکالۆریۆس... دبلۆما بلند باوەرناما دبلۆم... ماستەر باوەرنامەیێن بەکالۆریۆس و ماستەر... دکتۆرا باوەرنامەیێن بەکالۆریۆس، ماستەر، دکتۆرا.